جابر رمضان يكتب: مبروك عليك يا معجبانى يا بارد

جابر رمضان يكتب: مبروك عليك يا معجبانى يا بارد



السبت، 1 يناير 2011 - 11:54









[ندعوك للتسجيل في المنتدى أو التعريف بنفسك لمعاينة هذا الرابط]




عروستك الحلوة قمر من الموساد

خبر غريب ورقم مخيف قرأته من خلال وكالات الأنباء، نقلاً عن دراسة مصرية
حكومية رسمية تقول تلك الدراسة إن هناك (210) ألف مصرى متزوج من إسرائيلية،
هو ولا ريب موضوع جد خطير يستحق البحث والدرس، لأن هذا التصرف المُشين
المخزى من قِبل أصحابه لا أعلم ما هو الهدف منه والعائد من ورائه؟! هل
الهدف هو تغيير وضع مادى إلى الأحسن، فكانت الوجهة هى الزواج من
الإسرائيلية، ودقوا المزاهر يللا يا أهل تل أبيب تعالوا جمع ووفق، والله
صدقوا اللى قالوا.. وشالوم يا عريس وما يمنعش زغرودة حلوة رنت فى بيتنا من
البنت اللهلوبة جولدا باراك ومعازيم تسد عين الشمس كله، جاى يهنى ويبارك
لأبو العروسة بنيامين؟! كف مباركة «مبروك يا عريس» زين ماخترت.

نسب وحسب.. حاجة تشرف.. ويا حلاوتك وأنت قاعد فى الكوشة وهى ملفوفة بالعلم
الأبيض أبو نجمة زرقاء، والناس واقفة مستنية دورها تبارك لك. أقدملك أول
واحد.. ده اللى ضرب صاروخ فى مدرستنا «بحر البقر» وماتت فيها عيال
المدرسة.. أما ده بقى اللى قتل أسرانا العزل فى ٦٧ والنيشان اللى على بدلته
ده نيشان البراعة فى القتل الخسيس من الظهر معزوم برضه، وصديق حماك الروح
بالروح، والشباب دول اللى زفوك حايخلصوا الفرح ويدوب جرى على طياراتهم
يقتلوا كام فلسطينى على الماشى.. وده بقى وللا أقولك نكمل لك فى الصباحية.
وإن شاء الله ناوى على إيه؟! جنسية مصرى وللا إسرائيلى..؟! أنصحك خليها
مصرى عشان ح يحتاجوك قريب.. حماك بنيامين بيحب مصر جداً وبيحب يسمع كل حاجة
عنها حتى طريقة عمل الفول والفلافل..! نسيت أقولك إن حماتك تبقى مديرة
المطعم فى الموساد.. مش بقولك زين ماخترت.

على فكرة أهلك فى مصر بيقولوا لك لما تدخل مصر المرة الجاية، لو حتدخل، ما
تنساش تطلع جواز سفر إسرائيلى عشان جوازك المصرى اتلغى، والجواز المصرى
أكرم وأعز مليون مرة من الجواز الإسرائيلى.. ومبروك عليك يا معجبانى يا
بارد.