رامى محمد زين يكتب: كوبرى أبيس

رامى محمد زين يكتب: كوبرى أبيس


السبت، 4 ديسمبر 2010 - 08:12
[ندعوك للتسجيل في المنتدى أو التعريف بنفسك لمعاينة هذا الرابط]
يا كوبرى أبيس.. يا ابن إسكندرية.. خليك شوية حسيس.. وكفاية تكسير فيا..

يا كوبرى يا إللى واقف ف قلب العوايد.. متبقاش مناكف للى رايح وإللى عايد..

عليك يا كوبرى أبيس كل مطب باخده.. بيخلى أوام الفتيس ينقل السرعة لوحده..

يا كوبرى عليك رايح وجى ف المواصلات.. يا ريت تخلى الحى يصلح المفصلات..

إللى بتدق العربية من ورا وقدام.. وخلت ظهرى يلق فيا وعمل علامه استفهام..

يا كوبرى الفواصل.. كسرت عظمى.. وتعبتلى المفاصل.. وسهلت هضمى..

يا سلام يا كوبرى لو يعدى عليك مسئول.. م الوجع مش هينام وهتتصلح على

طول.. يا كوبرى يا ريت يقدمولنا مساعدة.. يحسن خلاص ف البيت مش

عارف أقعد ع القاعدهة.


• هذا الكوبرى موجود بمنطقة العوايد بالإسكندرية وهو كوبرى يحتاج إلى صيانة وفواصله كاسرة للعظام