رامى محمد زين يكتب: ع الورق

رامى محمد زين يكتب: ع الورق



الخميس، 30 ديسمبر 2010 - 09:08









[ندعوك للتسجيل في المنتدى أو التعريف بنفسك لمعاينة هذا الرابط]




دّور معايا عل وطن اتسرق بتأشيرة

.. ع الورق

ومواطن بلدنا.. المواطن..

ع الورق

وحقوق ولادنا...
والشعب إللى اتسرق...
وسابوه يتفلق...
وف طوابير طويلة..
استحمى من العرق...
عشان ياخد تأشيرة..

ع الورق

دّور معايا على..
وطنيتنا..
طيبتنا...
حتى شوارع حتتنا اترصفت...

ع الورق

وكمان نائب دايرتنا نائب..

ع الورق

دّور معايا على إللى زوّر الانتخابات...
وسود البطاقات....
وخلى الإمضاءات كلها واحدة...

ع الورق

وكمان الدستور ده سطور...

ع الورق

حتى الديمقراطية...
ف بلدنا فين هى...
مجرد شعارت وهمية...
تلقاها مقرية من كلام...

ع الورق