هناء المداح تكتب: اشهد يا خروف على ناس بتبيعنا

هناء المداح تكتب: اشهد يا خروف على ناس بتبيعنا


الإثنين، 15 نوفمبر 2010 - 14:37
[ندعوك للتسجيل في المنتدى أو التعريف بنفسك لمعاينة هذا الرابط]
قوم يالّا وشوف اعمل معروف.. على أحوالنا اشهد يا خروف

لا تقف مكتوف ولا أى كسوف.. ارفع راسك ولا داعى للخوف

ارفع صوتك قول سمّعنا.. كلها كام ساعة وتودعنا

وتموت ويعيش فينا المعنى.. اشهد يا خروف

اشهد على ناس بتضيعنا.. ياما وعدتنا وبتخدعنا

الخير ليها ما اتمتعنا.. ما نكونش ضيوف؟

سياستها لورا بترجعنا.. وبتحبطنا ما تشجعنا

نفسها من مصر تطلعنا.. وده ع المكشوف

اشهد على بيعهم لبلدنا.. على إهمالهم واستبعادنا

وضياع مستقبل أولادنا.. ومالنا المخطوف

على أفعال ناس بتشردنا.. من كل حقوقنا تجردنا

ولمين نلجأ له يعوضنا.. غير رب رؤوف؟

أشهد على إيه حالكو يحزن.. أوضاعكو تهلك وتجنن

لازم تتغير تتحسن.. محتاجة وقوف

بعد شهادتى إيه الفايدة.. أنا مالى ومال ناركو الآيدة

بعلنها بصدق بلا مزايدة.. ع الموت ملهوف