قصيدة أكتوبر لمبارك 2011

الأحد أكتوبر 02, 2011 7:43 pm

اكتوبر ياشهر النصر التحرير معندوش اصل
مكسوف ووشى من الخجل هداريه
ولما يجى اكتوبر بى انهى وش الاقيه
يا خايف من اكتوبر اكتوبر خلاص على الباب
اكيد اول ما يجى هيسال على الاحباب
ناوى تقولوا الصراحة ولا تكون كداب
ولما جه اكتوبر سلم وقال سؤاليين
بهية امى مالها ؟وابويا مبارك فين ؟
وانا ردى كان موجوع ودموعى مالية العين
بطل العبور فى القفص بتمر بيه ازمات
وامك الغالية تعبت وفى السكرات
وجيشنا بقى مش عاجب ثورة الحشرات
وانا مش فى ايدى حاجة غير بكا على اللى فات
انا اسف يا اكتوبر انا على العتاب مش قادر
دى مصر مبقتش مصر وولادها خلاص هتغادر
رايحين بلد تانية مفهاش كلاب تتامر
اكتوبر اتنهد ودموعه نازلة سيول
باين عليه متعجب وقلبه كمان محسور
على زمن اتشقلب بعد ما كان معدول
اكتوبر اتكلم واسمع بقى كلماته
صوته كان مبحوح وبين السطور اهاته
من بعد اللى خلونى تاج الشهور وزينتهم
وانا كنت وحدانى فخر الشهور وحيلتهم
وفى يونية كان نكسة وكنت انا فرحتهم
اكتوبر اتغير والغل ملى عينه
وكانه بيتذكر عبورنا قصاد عينه
وحلف يمين بالله على حياة عينه
انه هياخد بتارنا من كل شهر بعينة
اكتوبر يا شهور السنة جاى يقول تحذير
ملعون ابوك يا يناير انته واخوك ابريل
اخوات والدم واحد والام اسرائيل
انا لسه اكتوبر انا لسه شهر النصر
والخير هيرجع تانى بى ايد جيشك يا مصر
ما انا والجيش ومبارك اصل تاريخك يا مصر