جمال الشعر وروعته للبنات

الثلاثاء سبتمبر 13, 2011 9:51 am

[ندعوك للتسجيل في المنتدى أو التعريف بنفسك لمعاينة هذا الرابط]

مفيش شك إن أي بنت بتحب تعرف إيه هو الجديد في عالم قصات الشعر والصبغات...

وعلشان إحنا دايمًا بنقدم لك كل ما هو جديد في عالم الموضة والجمال.. عملنا
الحوار ده من داخل مركز تجميل "أشرف" و"مازن" علشان نتعرف على كل ما هو
جديد

ومن داخل القسم الخاص بالعناية بالشعر اتكلمنا مع "مازن"؛ لأنه هو المسئول عن تصفيف الشعر والعناية بيه، وسألناه...

- إيه هي أحدث القصَّات في 2008؟

على فكرة.. كل الموضة بتاعة زمان رجعت تاني، فبتلاقي إن الشعر القصير
الفرنساوي، والديجراديه الفرنساوي القديم قوي بدأ يرجع موضة تاني بشكل
جديد، بجانب الأجناب الطويلة والديجراديه من الخلف.
بس النصيحة اللي بقدمها لأي بنت إنها ما تجريش وراء الموضة، وتختار اللي يناسبها..

- ازاي كل بنت تختار القصة المناسبة ليها؟

في الحقيقة بيتوقف اختيارها لقصة شعرها على حسب شكل وجهها فمثلاً:
• صاحبة الوجه الصغير:
هتلاقي إن الكاريه الفرنساوي والإسبيكي، وكل ما يخص القصات الصغيرة هو المناسب ليها.
• صاحبة الوجه المدور:
هتلاقي إن الكاريه اللي كله طول واحد هو المناسب ليها.
• صاحبة الوجه الطويل:
نعمل للوجه الطويل ديجراديه بعد الأنف عشان ما نطولش مساحة الوجه.
• والوجه البيضاوي؟
نعمل له قُصة قصيرة، وبعد كده أدرّج الشعر عشان ده بيساعد على تدوير الوجه.- هل بتحدد لون الصبغة على لون العين ولا لون البشرة؟

أنا دائما أحدد لون الصبغة على حسب لون العين؛ فـ"العيون الخضراء" يتناسب
معها "اللون البلوند"، و"العيون الزرقاء" يناسبها "البني" بدرجاته،
و"العيون البني"، و"العيون السوداء" يتناسب معها "الأسود" و"البني"
بدرجاتهم.

- وبالنسبة للبشرة الخمرية؟

هي بشرة صعبة في اختيار لون الصبغة، بس أحسن صبغة مناسبة ليها هي الصبغة السوداء.

- والبشرة السمراء؟

اللون الأحمر والأسود يناسبها.

- إيه هي أحدث درجات الهاي لايت؟

الهاي لايت البلاتيني والأبيض والبينك والبني، والموضة الهاي لايت الثلجي، واللون الواحد هو أكتر حاجة موضة دلوقتي.

- وهل ممكن أعمل الهاي لايت على لون الشعر الأساسي بدون اللجوء إلى صبغة في الأول؟

لو الشعر الأساسي فاتح ممكن أعمل عليه هاي لايت بسهولة، لكن لو الشعر أسود أعمل عليه هاي لايت غامقة، ولازم أعمل درجات متقاربة.

- لو البنت قلقانة من موضوع الصبغة تعمل إيه؟

الصبغات في العموم بتضر الشعر، لكن المهم إن مصفف الشعر يتعامل بأقل نسبة
في الضرر.. وأنا دائما أتعامل من خلال ماركة اسمها "رويال"، وأتعامل مع كل
نوع شعر بألوان مختلفة، وبأكسجين مختلف؛ لأن مثلاً الشعر الخفيف لا يتناسب معاه الأكسجين العالي.- ازاي بتجهز الشعر للصبغة؟

1 ـ لا يتم غسل الشعر قبل الصبغة؛ لأن الشعر المبلل بيتفاعل مع الأكسجين،
فيؤثر على جدار الشعر، وممكن يؤدي إلى إحراقه.. وعلى فكرة الزيوت الطبيعية
الموجودة في الشعر الجاف، تتفاعل مع الأكسجين بشكل صحي وأقل ضررا.

2 ـ نبدأ بالجذور لو أول مرة يتعرض الشعر للصبغة، ثم بقية الشعر، لكن لو
سبق له الصبغة نبدأ بالجذور غير المصبوغة، وأتركها عشر دقائق ثم أصبغ الشعر
كله، وأتركه لمدة ربع ساعة، ثم نقوم بغسيل الشعر.

- ما علاقة ظهور الشعر الأبيض بعد الصبغة؟

ليس هناك علاقة أبدًا بين ظهور الشعر الأبيض والصبغة، وطبيعي إنه بعد سن الـ 30 يبقى الشعر معرض لظهور شعيرات بيضاء.

- ما هي أفضل الكريمات للحفاظ على الشعر؟

باستخدام كريم واحد اسمه (كرستس)، وهذا النوع يحتوي على ألوان تناسب نوعية
كل شعر؛ فمثلاً (كريم كرستس) الأخضر مناسب جدًّا للشعر الدهني، وهو ماركة
عالمية، ويعطي نتائج حلوة للشعر.

- وازاي أعمل حمام كريم للشعر؟

1- أضع كريم (كرستس) بالنوع المناسب لنوعية الشعر تحت البخار لمدة عشر دقائق.

2- أعمل مساج للجذور؛ عشان يتوغل الكريم فيها، ثم يشطف الشعر.

- ما هي أنواع كريم (كرستس) المناسبة لكل شعر؟

كرستس الأخضر للشعر الدهني، والشعر الخفيف، وفوق الأربعين، وكرستس الأورانج للشعر المجهد والجاف.

- وازاي بتعالجوا الشعر الخفيف؟

مركز التجميل بيقوم بمعالجة خارجية للشعر وده غير الطب، بيكون العلاج من
الداخل، وإحنا بنعمل على علاج الشعر الخفيف؛ لأنه بيوجد تحت جلد الشعر
مجموعة من الكرات الحمراء، هذه الكرات بتنشط في أوقات معينة، وأنا بانشط
هذه الكرات الحمراء عن طريق عمل حمام بخار ومساج. ثم نقوم بوضع 24 حقنة
خاصة لعلاج الشعر الخفيف في جذور الشعر، هذه الحقن تعمل على تنشيط كرات
الدم الحمراء، فتساعد على نمو الشعر بطرق متساوية ومتناسبة.

- هل فرد الشعر طريقة صحية؟

فرد الشعر بيعمل نوع من "الريلاكس" للشعر، وأنا برفض فرد الشعر؛ لأن أي شيء
يغير من طبيعة الشعر تعمل على ضرره. (البيبي ليس) أفضل من الفرد.

- هل المكواة السيراميك مفيدة للشعر؟

المكواة السيراميك أفضل من (البيبي ليس)؛ لأنها بتكتم السخونة، ولها درجة حرارة ثابتة.

- وازاي أعمل حمام زيت للشعر؟

أنصح باستخدام "زيت اللوز" للشعر الجاف، و"زيت الجرجير" للشعر الدهني وخطواته:
يغسل الشعر، ثم يوضع عليه الزيت، ثم يوضع على الخصلات، ثم يعرَّض الشعر
للبخار؛ لأن البخار بيقوم بذوبان الزيت؛ عشان يتغلغل للشعر، ثم نقوم بغسيل
الشعر.

- هل استخدام نوع شامبو ثابت للشعر يضرّه؟

أنصح البنات يستخدموا الشامبو المناسب لديهم لمدة شهر، ثم يقوموا بتغيير
نوع الشامبو، وبعدها يعودوا مرة أخرى إلى النوع الأول، ولا يجب أن أعوِّد
الشعر على نوع واحد من الشامبو.

- وازاي أعالج قشرة الشعر؟

القشرة بتأتي نتيجة تغير الفصول، وأفضل علاج لقشرة الشعر أجيب فرشة أسنان،
وكوب من الماء + 3 ملاعق خلّ، ونمشط الشعر عن طريق الماء والخل. ثم نقوم
بعمل حمام كريم، وبعدها يغسل الشعر بماء دافئ، ثم ماء بارد.

- عايزين أفكار جديدة للتسريحات مع الإكسسوار، خاصة تسريحات السهرات والخطوبة والأفراح؟

موديل الشعر يختلف في استخدام الإكسسوار، فبالنسبة للشعر القصير يجب مراعاة:
1- إذا كان دجراديه، أو ميني دجراديه، أو كاريه
فرنسي، هتلاقي إن المناسب له هو لمّ الشعر بشكل خفيف، ووضع الإكسسوار في
الثلث الأخير من الشعر فوق الأذن، أو توزيعه في منتصف الرأس. وفي حالة وضعه
في الأمام يتم إسدال خصلات؛ لإعطاء شكل أجمل، وضروري مراعاة حجم
الإكسسوار، فإذا كان كبيرا نستعمل قطعة واحدة، أما لو حجمه صغير يوزع حسب
الذوق، فيجب أيضًا مراعاة التناسق بين ملامح الوجه وحجم الإكسسوار،
فالملامح الطفولية عليها الابتعاد عن الإكسسوار الكبير.

2 ـ والشعر الطويل يتناسب معه الإكسسوار بحرية أكبر مثل لفه على الرأس على
الطريقة النوبية أو العمانية مع ترك باقي الشعر مسدولا على الكتف، واللفة
مع الشعر الطويل أجمل من استعمالها مع الشعر القصير، وتعمل على إبعاد الشعر
عن الوجه، والشعر الكيرلي يسمح بوضع كمية أكبر من الإكسسوار بأحجامه
المختلفة الكبيرة والمتوسطة.

ويجب توزيع الإكسسوار بمسافات متفاوتة وكلما كبر حجمه قل عدده، ويفضل أن
يكون الشعر غير مسدول بالكامل، والمهم عند وضع الإكسسوار الاهتمام
بالبساطة، فالإكسسوار سلاح ذو حدين، إما أن يعطي شكلا جماليا، أو تكون
النتيجة بالعكس..

- إيه هي الوصفة الطبيعية للحفاظ على الشعر الدهني ونعومته؟

هي عبارة عن (صفار بيض + عسل، أو المادة اللزجة للصبار + بيض + 2 زبادي).
اخلطي كل المكونات دي مع بعض، وحطيها على شعرك لمدة نصف ساعة، ثم اغسلي الشعر بماء فاتر ثم ماء بارد.

- وإيه هي الوصفة الطبيعية للحفاظ على الشعر الجاف ونعومته؟

نحضر حلة بها ماء ساخن، ونضع فوقها مصفاة، ثم نضع على المصفاة مواسير لحمة، وعندما تتعرض المواسير للسخونة من البخار تتكون منها [ندعوك للتسجيل في المنتدى أو التعريف بنفسك لمعاينة هذا الرابط]، هذه ال[ندعوك للتسجيل في المنتدى أو التعريف بنفسك لمعاينة هذا الرابط] نضيف إليها زبادي، ونضعهم فوق الشعر لمدة ساعة، فالنخاع مع الزبادي يعملان على تقوية جذور الشعر.

[ندعوك للتسجيل في المنتدى أو التعريف بنفسك لمعاينة هذا الرابط]