د.على جلال كاشف يكتب: المصرى قال

د.على جلال كاشف يكتب: المصرى قال



الجمعة، 7 يناير 2011 - 18:38









[ندعوك للتسجيل في المنتدى أو التعريف بنفسك لمعاينة هذا الرابط]




يا مصر خطى عتبة كلام الأعادى
مسلم وقبطى فكيتو ليه الأيادى

النيل دا مش قبطى ولا مسلم ولا
النيل دا مصرى ومصر لينا كلنا

الجرح مصرى وأنا وأنت مصرى
دمك ودمى ع الأرض يسرى
ها تقوللى مسلم.. ها تقوللى قبطى
هأقول دا جرحك وجرحى مصرى

عمر التاريخ ما كان جريح زى النهارده
الدم نازل يوجع الأرض وترابها

مين فينا يرضى بس مين وإحنا فى نفس المركبه
أول ما تغرق الغرقانين مسلمنها وقبطها

مصر الأمينة بلد الأمان
إرهاب دخلها قتل وخان
للفتنة قام يفتح بيبان
أقرو التاريخ وكان يا مكان
لا فيها إرهاب استدام
ولا صليب خاصم هلال
مهما الأعادى قالو كلام
أخرة كلامنا المصرى قال
يحيا الصليب مع الهلال