أحمد حلمى محمد يكتب: اصحوا وفوقوا يا مصريين الأربعاء

أحمد حلمى محمد يكتب: اصحوا وفوقوا يا مصريين

الأربعاء، 5 يناير 2011 - 09:00
اصحوا وفوقوا يا مصريين
عمر الكره ما كان من الدين

طول عمرنا كنا عايشين
مسيحى مسلم بهائيين

وماحدش قال مش عايزين
ولا كان فيه كره وحاقدين

ليه القتل وليه الدم ما هو ده دم المصريين
وليه بدل ما يعم الفرح يبقى حقيقى القلب حزين

ليه الكل مش آمنين
وعلى حياتهم كده خايفين

ضرب وقتل وعنف مشين
وكأننا مش مصريين

وكل ده حاصل باسم الدين
بقه بالذمة دى ناس عاقلين

خلينا نرجع مصريين
متحابين متسامحين

خلينا دايماً متعاونين
وعلى الحب متعاهدين

خلينا نبنى يا مصريين
وما يبقاش كده حد حزين

وساعتها رب العالمين
يرضى علينا قولوا آمين