سامى النويهى يكتب: بأى ذنب

سامى النويهى يكتب: بأى ذنب



الخميس، 6 يناير 2011 - 14:27









[ندعوك للتسجيل في المنتدى أو التعريف بنفسك لمعاينة هذا الرابط]




يا قبط مصر يا طيبين
مش انتوا بس المجـروحين
كـــــل اللى مــــــاتوا أهلنا
وأخــــــوات لكــــــل المسلمين

العام جــــديد لكن ساعاته
بـــــدأت بليل الحــــزن ذاتــــه
وسؤال بيطــرح نفسه ليــه
وبـــــأى ذنب اخواتنا مـــــاتوا

يـــاولاد بلدنـــــا المؤمنة
عايزين نحكّـم عقلنا
عـــــايزين نقول للفتنة لا
ومـانفتريش على بعضنا

فــــــى الهم واحــــد كلنا
ولا دينّا قـال ولا شرعنا
برصاص جبان يسكت لسان
إنسان يـــــوحــــــد ربنا

وحــدتنا إصرار والتزام
واكبر وأبلغ م الكـــــلام
وللشعوب قـــــدوة ومثل
فــــى الحب والخير والسلام

عاش الهلال ويــــــا الصليب
والدير من المسجد قريب
إخوة ح نفضل للأبد
ومفيش مكـــان بينّا لغـــــريب

احكم بحق الله يــــا قاضى
وخــــلى سيف العدل مـــاضى
حـــــد القصاص الراس براس
والروح بروح مش بالتراضى