محمود قلماوى يكتب: كل عام ومصر بخير

محمود قلماوى يكتب: كل عام ومصر بخير



الإثنين، 3 يناير 2011 - 18:21









[ندعوك للتسجيل في المنتدى أو التعريف بنفسك لمعاينة هذا الرابط]




كل عام ومصر بخير
والريس ريس والباشا وزير
كل عام والغنى بقا ينهب
وبياكل حق الفقير
كل عام ووزارة الغالى
بتسن ضرايب مناشير
كل عام وشبابنا العاطل
بقا بدقون والباقى فرافير
والصينى بيتباع فى بلدنا
وانا وانت قاعدين طراطير
وضحايا الإهمال بالكوم
وحوادث والشهدا كتير
وانفلونزا بقت أنواع
معيز وطيور وكمان خنازير
كل عام والقمح الروسى
مستورد ومعاه صراصير
كل عام والشيخ فى الجامع
والقسيس يوعظ فى الدير
كل عام والدين بقا سلعة
نقاب وفتاوى وتكفير
كل عام ولسان الناس
بقا جزمة ومطواة وجنزير
كل عام والدورى باحمر
ولا فرقة من الاهلى تغير
كل عام وف كاس العالم
الخُضر لأفرقيا سفير
كل عام والغرب بيعلو
والعرب ناقر ونقير
كل عام نقفل على غزة
ونوصل ليهود مواسير
كل عام يا عراق يا سودان
لو تبعد عنكو الأحزان
كفايانا قصف وتفجير
كل عام ومصر بخير
كل ما يعلا صوتى واغنى
للشيشة ولسيجارة بنى
واغنى حتى للحمير
وكل عام أنجح بالعافية
والمقبول أكبر تقدير
كل عام واصحابى بخير
شباب رجالة وبنات قمامير
كل عام وحبيبتى فى حلمى
بتوب أبيض والطرحة حرير
كل عام وأنا أملى ف ربى
هو سميع وعليم وقدير