سيد أحمد الهمشرى يكتب: جمعة الشوان

سيد أحمد الهمشرى يكتب: جمعة الشوان



الجمعة، 31 ديسمبر 2010 - 09:16




جمعة الشوان




[ندعوك للتسجيل في المنتدى أو التعريف بنفسك لمعاينة هذا الرابط]




حتى أنت يا (جمعة يا شوان) الدولة نسيتك ورمتــــــــــك؟
من بعد سنين خدمة لوطنـــك ومغامرة بروحك وحياتـــــك!
معلشى يا صاحبى متزعلشى ع اللى أنت عملته متندمشــــى
دا غلاوة مصر اللى ف قلبـك هاتكون لك ف ميزان حسناتـك
......
معلش يا صاحبى الأيام دى مبقاش الفارس مطلــــــــــوب
مبقاش اللى يحب بــــــــــلاده فى كراسى السُلطة مرغـــوب
لكن المطلوب الأيام دى اللى يجرف مصر ويـــــــــدى
الغاز والميه لصهيــــــــــــون حسب الكتالوج المكتـــــــــوب
......
معلش يا (جمعة يا شـــــــوان) وطنك كان عنك مشغـــــــــول
بكراسى وتزوير ونفــــــــــاق أطماع بالعرض وبالطـــــــول
وأراضى الدولة بتتقســـــــــــم ومحدش قادر يتكلــــــــــــــــم
غير (حمدى الفخرانى) لوحـده زيّك فارس وابن أصول
......
معلش يا (جمعة يا شـــــــوان) والله أنا قلبى معـــــــــــــــــاك
لو ينفع نقسمه نصيـــــــــــــــن أو تاخده على بعضه فــــــــداك
وحياتى بحالها متغـــــــــــلاش على واحد ضحى مخــــــــلاش
دا كفاية صبرك وشهامتــــــــك على (جوجو وليفنى وبــــراك)
......
معلش يا (جمعة يا شـــــــوان) ليه تتعب وقت انتخابــــــــات؟
كان لازم تعرف يا حبيبـــــــى أنها أيام الإتاوات
أيام تقسيم مصر عليهــــــــــــم المال والسلطة فى أيديهم
والبطل اللى اتبهدل زيّــــــــــك مالهوش فى اليغمه منابــــــــات
......
حرموك من خير مصر الغاليـه لا وسام ولا صحة ولا معـــاش
و وسام الدولة وفلوسهــــــــــــا أخدوها الناس الأوباش
راح أقولك تانى متزعلشـــــــى بيهم من غيرهم راح تمشــــــى
كفاياك هاتعيش جوه قلوبنــــــــا زى ( أبو خالد ) ماهو عــــــاش