رانيا فتحى تكتب: حائط حضانة أبو الفتوح العازل

رانيا فتحى تكتب: حائط حضانة أبو الفتوح العازل



الإثنين، 20 ديسمبر 2010 - 10:35




اللواء سيد عبد العزيز محافظ الجيزة




[ندعوك للتسجيل في المنتدى أو التعريف بنفسك لمعاينة هذا الرابط]




كثرت الأخبار وتعددت الحوادث وانتشرت القضايا وسالت الدماء
وأصبحنا نرى فى التليفزيون كل مساء الكثير والكثير من الأخبار، ونقرأ
الحوادث والقصص الدامية التى حدثت مراراً وتكراراً، وأصبحنا وأمسينا نشاهد
الأطفال تروع والنساء والحرمات تنتهك وكأننا نشاهد فيلم كارتون حتى جفت
دموعنا وتحجرت مشاعرنا وتبلدت أحاسيسنا فأصبحت جملة "عادى بيحصل كتير"
شعارنا.

لماذا؟ لماذا لا نشعر بآلام الغير إلا عندما نتألم نحن شخصيا أو أحد عزيز
علينا؟ وكيف تنمو دول وتزدهر وتتحضر ونحن مازلنا غارقين فى الظلام والجهل
والبيروقراطية والروتين؟ وأصبح الجنيه رغم انهياره عالميا سيد الموقف
محليا.

أفزعنى جدا ما قرأته على موقع "اليوم السابع" وما حدث لحضانة أبو الفتوح
بالهرم من قبل المسئولين فى حى العمرانية، ولعلم الذى لا يعلم هذا الخبر
أنه وباختصار ذهب رجال الحى، بالتعاون مع الشرطة، لهدم سور حضانة أبو
الفتوح بالهرم المطلة على شارع خاتم المرسلين الرئيسى أثناء تواجد الأطفال
بالحضانة ومع العلم أن السور مقام منذ 20 عاماً ويحمى الأطفال من الشارع
الرئيسى وانهار الأطفال وهرع أولياء الأمور واعترضت السيدة الفاضلة مديرة
الحضانة على الترويع البشع الذى حدث للأطفال وللمكان، بالرغم من ذلك،
أرادوا أن ينفذوا قرار إزالة السور بالقوة وفوق رؤوس الجميع وتحت رعاية
الشرطة وعندما اعترضت مديرة الحضانة اصطحبوها إلى القسم وحرروا محضرا ضدها.

إلى متى؟ إلى متى سنظل صامتين؟ وفى حق أنفسنا وأولادنا مهملين؟
فهل هذا هو السور العازل الذى يحكون ويتحاكون عنه لكى يتحرك له كل هذا
الحشد الغفير لإزالته، وماذا جد لفزع هؤلاء الأطفال وذويهم بشدة؟

فأين نترك أطفالنا ونذهب إلى أعمالنا؟ هل نتركهم فى الشارع بعد ذلك, ألا
تعلم الدولة مميزات الحضانات بالنسبة لنا كأولياء أمور، فلابد من دعم
وحماية الحضانات المرخصة، والتى لها اسم وتاريخ من قبل الدولة والجهات
المختصة.
أصبحت وأنا ذاهبة لعملى كل يوم أشعر بالقلق على طفلتى، فماذا سأفعل هل
آخذها معى أم أتركها فى البيت وهى لم تكمل عامها الثانى؟ أم اتركها وديعة
فى البنك وأستردها عندما أعود من عملى؟! آه تصدقوا بآه أنى غلطت وظلمت رجال
الحى والشرطة الهمام شوف برضو غلط كده الواحد لازم يخلى باله من حاجات
معينة.

ممكن يكون السور اللى كانوا حيهدوه معاهم حق فعلا لأن ممكن جالهم إخبارية
إن السور بيبص من الجنب على إسرائيل أو ممكن يكون فى أطفال عملاء وجواسيس
مستخبيين ورا السور، أو الحاجة الكبيرة بآة اللى عرفتها لوحدى ومش محتاجة
نباهه أو فتاكة إن العيال المفاعيص دول يكونوا مخبيين أسلحة وذخيرة فى
الدينر بوكس بتاعهم.

لا بجد كان لازم تنزل عربية أمن مركزى مصفحة أو 4 عربيات، عربية واحدة مش
هتنفع علشان تغطى الأربع جهات – المرة الجاية ضرورى لازم العربيات دى تنزل.
آل أنا بقلبى الطيب قعدت أحسبها يمين وشمال وأقول بنتى وأسيبها وشغلى، شغل
أيه وبنت أيه ده الموضوع طلع متعلق بأمن البلد يا ستار يا ستار.

يبقى الجدار العازل موجود عندنا فى الهرم ومخبيين شوف إزاى! وشوف التموية
إزاى! آل حاطين وراه الحضانة وحبة عيال آل!.. بس برافو على الحى ورجالته
ورجالة الشرطة الهمام ماخالش عليهم الحاجات دى ويا عالم السور أقصد الجدار
العازل حيتحرك ويروح فين أو عند مين فينا المرة الجاية كل واحد يا جماعة
يخلى باله من نفسه ومن عياله ومن بيته ويقفل باب شقته كويس عليه ولو حصل
كبسة عليه أكيد هوه اللى غلطان والغلط راكبه من ساسه لراسه ويا عالم مين
عليه الدور المرة الجاية.
الدور الدور الدور الدور
الدور يالى عليك الدور
وإنا لله وإنا إليه راجعون.