راضى على حسين يكتب: وطنى حبيبى

راضى على حسين يكتب: وطنى حبيبى



السبت، 18 ديسمبر 2010 - 18:19









[ندعوك للتسجيل في المنتدى أو التعريف بنفسك لمعاينة هذا الرابط]




وطنى حبيبى يا كل الوجود ** يا بلسم أهاتى وعطر الجدود
بحبك محبة ماليها حــدود ** أضحى عشانك أحطم قيود
حبك فى قلبى يداوى جروحى ** بحسد فى نفسى وبحسد فى روحى
لأنى فى أرضك بقيت مولود
بحبك يا وطنى وعشقك فريد ** أبعد أسافرأروح لبعيـــد
يبكى فؤادى وينزف وريـــد ** ألاقى لهيبى وشوقى يقيد
والغربة بعيدك أعيشها مرار** أرجع لحضنك فى أول نهار
ألاقى اشتياقى فى حضنك يزيد
بحبك ياوطنى بحبك بجــد ** أهاجر بعيدك إليك بتشـــد
مش ممكن جمايلك فى يوم تتعد ** فى حزنى بلاقى إيديك تتمد
بعيدك بتصبح حيــــاتى آلام ** ألاقى طريقى شوك وضلام
وحلمى بعيدك أكيد يتهد
بحبك يا وطنى يا شمس الزمان ** يا بحر المودة ونبع الحنان
حبك فى روحى فريضة وأذان ** وقلبى بيعزف بحبك كمان
بعيدك بتصبح حياتى سراب ** أوصل مطارك أبوس التراب
مش ممكن بعيدك ألاقى أمان
بحبك يا وطنى محبة وجنون ** وحلمى بعيدك بيصبح ظنون
خيرك مضلل وطارح غصون ** أضحى عشانك حياتى تهون
عهدك ومهدك تاريخك ونيلك ** طاهر ترابك وقلبك دليلــــك
بتعرف حبايبك واللى عايز يخون