أسماء عبد اللاه تكتب: قلب المدينة

أسماء عبد اللاه تكتب: قلب المدينة


الثلاثاء، 14 ديسمبر 2010 - 00:00
[ندعوك للتسجيل في المنتدى أو التعريف بنفسك لمعاينة هذا الرابط]
قلب المدينه زحام
يتوه فيه الكلام
مفيش ولا عنوان
يوصل للحقيقة
جوه البشر بنايات
مليانة بالحكايات
آهات تعيش وتموت
ليه دايما الضحكات
قلب المدينه "علم"
مايهمهوش التمن
ومين هيدفع كام
تخلص حكايه عشان
تبدأ حكايه أوام
قلب المدينه حجر
فيه البشر دايرين
يحكم عليه القدر
يصبح من العاشقين
جوه الشوارع
بيوت...
جوه البيوت
ميادين...
قادر تفرق مين فى
القلب من السكنين
قلب المدينه عمار
فيه البشر تحتار
و لكل واحد دور
و يلخبط الأدوار
لسه الرضا طالبين
قلب المدينه لمين؟
فى ناس تعيش
فى قصور.......
وناس فى الصفيح
ساكنينين....
أكون من الشاكرين
لوحد فيكم قالى..
قلب المدينة لمين؟