خطوبة روعة جدا

الخميس نوفمبر 15, 2007 5:07 pm

اقرئو بقا ودي بس لاضحكو يا جماعه وبس يعني الواحد لازم يشوف حياتو ومستقبلو لاجل الحكايه دي يلا نشوف بقا

ده يا جماعه رئيس متندى بس فاهم الدنيا غلط مقضيها نت ومتندى طول النهار بس
وراح علشان يخطب بقى هههه تعالو نشوف الحوار

- منور يا ابنى

- ده نورك يا عمى

- اشرب النعناع اللى انت عاوزه

- ميرسى

- كنت عاوزنى فى ايه باه؟

- يا عمى انا يسعدنى ويشرفنى انى اتقدم واطلب ايد بنتك ( سوسو )

- والله يا أمير يبنى ده انا اتشرف بس انا معرفش حاجه عنك

- ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى

- يعنى اسال عليك فى الاماكن دى؟

- طبعا وانا معروف جدا هناك ودى مبتكذبش اسال بس عن تملى معاك

- مين؟

- تملى معاك ........ انا.... ده مفيش حد على النت ميعرفنيش

- طب يبنى شغلتك ايه؟

- يا عمى انا رايس متنديات كتير قد الدنيا

- ايوه يعنى بتشتغل ايه؟

- ادمين قد الدنيا فى قسم (يعنى يا عمى رئيس اقسام وكده )انت فاهمنى ؟

- والله كويس جدا كمبيوتر يعنى

- تقدر تقول كده

- طيب حلو اوى مهندس كمبيوتر شغلانه رئيس متندى طب ماقلتش ليه كده من الاول؟

- اصلى مش مهندس اصلا انا محاسب

- الله ............ .طب ما علينا بتشتغل فين؟

- على الكمبيوتر بتاعى

- ايوه يعنى فى شركة ايه؟

- لا تبع نفسى

- وماله الشغل الحر مفيش احسن منه طيب شركتك فين ولا فاتح محل؟

- لا فى البيت عندى عادى

- طيب بتقبض كام؟
- لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته

- طب اخر موقع اخدت فيه كام؟

- لا اخر موقع ده كان لواحد صاحبى دخلت فيه مشرف مجامله

- لا حول ولا قوة الا بالله............ طيب معندكش اى املاك اراضى عمارات اى حاجه يعنى؟

- اه طبعا عندى

- ايوه .......... عندك ايه؟

- منتدى يا عمى

- ده ايه ده بأه ان شاء الله؟

- ده برده على النت بس عندى فيه دلوقتى عشرين الف عضو يا عمى

لا مش بيدفعوا ده انا اللى نفسى ادى الناس فلوس عشان تشترك

- لا حول ولا قوة الا بالله طب ليه يبنى الغرامه دى وعامله ليه؟

- منا هكسب من الاعلانات يا عمى انت مش معايا ولا ايه؟

- حلو اوى المنتدى بتاعك ده يشيل كام اعلان؟

- ممكن لحد عشرين

- طب وبعت الواحد بكام؟

- لا لسه محدش اعلن عندى لسه

- طب يبنى عايش منين ولا بتصرف منين ولا حتى هتعيش بنتى منين؟

- منين ايه بس يا عمى ده انا معايا فيزا محدش فى كفر البطيخ عاملها ههههههههه

- يبنى فيزا ايه بس بقولك هتجيب فلوس منين؟

- من شغلتى والمواقع اللى انا بشرف فيها

- وهى فين دى؟

-
- منا مديلك لسته بيها هنستعبط؟

- لا يبنى انا مجوزش بنتى لواحد شغلته فى الهوا كده

- - هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس

- وله انت يااد

- نعم

- انت عارف لو غمضت عينى وفتحتها ولقيتك قدامى هعمل فيك ايه؟

- ايه؟

-
- امشى اخرج بره

- خلاص ياعم بره بره وانت باين عليك اخرك ساعه بلاى ستيشن
"يخرج تملى بره جرى"

- ادى يا ست سوسو جايبالى واحد نصاب والله لاكسرلك الكمبيوتر اللى انتى قاعدالى عليه ليل نهار ده وهتتجوزى الواد مايكل النجار اهو واد كسيب واحنا عارفين دكانه فين وبيكسب كام وعايش منين

ودى كانت النهايه البائسه

السبت مايو 16, 2009 1:27 am

ههههههههههههههههههههههههههه
بجد موقف جميل جدا
يهلك من الضحك

السبت مايو 16, 2009 8:50 am

كل حياته نت ميرسى ع المرووووووووووور

خطوبة روعة جدا

خطوبة روعة جدا

رد: خطوبة روعة جدا

رد: خطوبة روعة جدا